Նվեր Մնացականյան. Նոր Հայաստանի նոր տարվա շնորհավորանքը գրեք Զվարթնոցի թռիչքուղիներին
Բարև Ձեզ։ Հեղափոխության տարին ավարտվում է․ Հայաստանն այլևս փոփոխությունների շեմին է, անգամ հեղափոխականները չեն կարող դա կանգնեցնել, որովհետև մեծ փոփոխությունն արդեն հեղափոխության ճակատագիրն է կառավարում։ Միայն թե հնար լիներ միառժամանակ կանգնեցնել այս համատարած կռռոցը Հայաստանի մեծ փոփոխության գլխին։ Ասենք տապալվեց Հայաստանի վերադարձը ժողովրդավարության․պատկերացնում եք բորենիների այն խրախճանքը ներսում և դրսում, որ սկսվելու է մեր վերջին երազանքի շուրջ։ Այս անգամ կհոշոտվի հավատի վերջին պատառը, որ մնում է մեր նեղ օրվա համար։ Չասեք նեղ օրեր շատ ենք տեսել․ հույսը չափեք եղածով և Նոր Հայաստանի նոր տարվա շնորհավորանքը գրեք Զվարթնոցի թռիչքուղիներին, որպես տարվա երկիր, որպես 2018-ին աշխարհի հնագույն ազգերից մեկին տրված արդար վաստակ, շնորհավոր մեծ սպասումի մեր նոր տարին։
