Ազգային ժողովն ընտրեց երեք փոխնախագահներին
«Իմ քայլը» խմբակցությունից Ալեն Սիմոնյանը, Լենա Նազարյանը և ընդդիմադիր «Բարգավաճ Հայաստան» խմբակցությունից Վահե Էնֆիաջյանն ընտրվեցին 7-րդ գումարման Ազգային ժողովի նախագահի տեղակալներ։
Լենա Նազարյանի օգտին քվեարկել է 124 պատգամավոր, Ալեն Սիմոնյանի օգտին՝ 109 պատգամավոր, և ընդդիմադիր թեկնածու Վահե Էնֆիաջյանի օգտին՝ 108 պատգամավոր։
Ընդդիմադիր փոխխոսնակի պաշտոնի համար մրցակցում էին ԲՀԿ-ից Վահե Էնֆիաջյանն ու «Լուսավոր Հայաստանից» Մանե Թանդիլյանը: Մինչև նախագահությունում իր տեղը զբաղեցնելը Էնֆիաջյանը մի փունջ վարդերով նախ մոտեցավ Թանդիլյանին:
